Khliehriat Naiwieng 2:U Deputy Commissioner ka East Jaiñtia Hills u pynbna paidbah shaphang ka jingthmu ka sorkar jylla ban kyntiew ïa ki samla ka ‘YEES Meghalaya’ kaba dei ka poilicy jong ki samla ka ‘State Youth Policy kaba la pynbna naduh u snem 2021, ka ban pynkup bor ïa ki samla lyngba ki organisation, ki club bad ki Association ki ban trei na ka bynta ban kyniew ïa ki samla.
Ka jingthmu jong kane ka YESS prokram ka long ban treikam naduh tynrai (grassroot level), lyngba ki prokram bapher bapher ki ban ai mynsiem bad kyrshan ïa ki samla da ka jingïatreilang bad ki tnat sorkar bapher bapher, ha kaba ki lah ban seng ïa ki kam.
U Deputy Commis sioner, u pynbna ruh ba kane ka prokram kan ai jingïarap ruh da ka pisa sha kito ki kynhun kiba la dep register bad yn pynkup bor ruh ïa ki kynhun kum ki Society bad Cooperative, Voluntary Organisation, Youth Club, Socio Cultural Club, Alumni Associations.
Ki prokram ki ba don hapoh kane ka skim jong ki samla ki kynthup ki prokram ïada mariang, ki workshop, ki workshop ban hikai kumno ban kamai pisa, ki seminar, ban iasyllok ban tei ïa ka longbriew man briew (Career counselling), ki seminar ban tei ïa ka jingmut jingpyrkhat, ki youth parliament, ki prokram ïatai nia bad kiwei kiwei ki jait prokram
Kino kino kiba don jimgmut ban ïoh ïa ka jingiarap pisa ki dei ban pyndap ïa ki form bad ruh lyngba ka online ha ka website https://yessmeghalaya.in/signin.php.
