Pynshai ka Federation of Khasi States halor ka jingai dorkhas sha ka KHADC

0

Shillong, K’lyngkot : Ka jingïalang jong ka Federation of Khasi States kaba la shong kyrkieh hynne ka sngi Nyngkong ha Shillong ka la ïoh ban ïakren halor ki mat kiba ïadei bad ka jigmih ha ki social media ha ka 25 tarik mynta u bnai, kata ha kaba ïadei bad ka jingai dorkhas jong u Bah John F. Kharshiing sha ka KHADC, bad ka jingkren ha Shillong Press Club.
Kumta ka Federation ha u kyrwoh lyngba u Paiem KM Syiem President bad Bah HI Ryntathiang Secretary lyngba une u kyrwoh ka kwah ban pynshai ba ka Federation of Khasi States kam pat ju ïakren ne aibor ha kino kino ki dkhot ban kren ïa ki kam kiba ïadei bad ka Hima Mylliem lane bad kino kino ki Hima.
Ka Federation ka pynshai ruh ba ha ka jingïalang paidbah kaba la long ha ka 12 tarik u Nailar 2022, ka la weng noh ïa u Bah John F. Kharshiing kum u nongaiktien na ka bynta ka Federation of Khasi States bad kumta ka jingkam jong u Bah John F.Kharshiing kum u nongaiktien ka long kaba bakla.
Shuh shuh ka Federation ka buh ruh ka jingkyrpad ba nangne shakhmat ka kyntu ïa baroh ki dkhot ba kim dei ban kynthoh ne ai jingthoh ne jingkren kiba ïadei bad kino kino ki kam khlem da ïoh jingbit ne ïoh bor na ka Federationf of Khasi States.

Leave A Reply

Your email address will not be published.