Nongpoh, Kyllalyngkot 03: Da ka jingïatrei lang ka Association of Indian University, New Delhi, ka University of Science and Technology, Meghalaya mynta ka sngi ka la plie pyrda noh ïa kawei na ka lympung ïa khun Chess ba la tip kum ka AIU East Zone Inter University Chess Tournament ba la wan shim bynta da ki samla pule na kylleng ki University ka ri India.
Kane ka AIU East Zone Inter University Chess Tournament ka la sdang hynne ka Sngi bad kan kut haduh ka 11 tarik u Kyllalyngkot 2024, ha kaba ïa kane ka Chess Tournament la wan ban plie pyrda da u Dr Balendra Kumar Das, Pro Vice Chancellor of USTM, ha ryngkat ka jingdon lang u Dr RK Sharma, Advisor, USTM, Dr BK Das bad Dr R K Sharma.
Ïa kane ka Chess tournament la wan ruh ban bishar da u Biswajit Bharadwaj kum u Chief Arbiter, Monimala Sinha (both are international arbiters), Golap Chandra Gogoi, Homen Chandra Rabha bad Paresh Rajbongshi.
Ki University kiba la wan ban shim bynta ha kane ka Chess tournament ba la plie pyrda hynne ka sngi ka ban bteng haduh 11 tarik ki kynthup ïa ka Jadavpur University, Chhattisgarh Swami Vivekananda Technical University, M.G.K.V.P. University, M.S.C.B. University, Berhampur University, Calcutta University, KIIT University, S.M.K.V., University of Burdwan, Adamas University, Manipur University bad Banaras Hindu University.
U Dr. Balendra Kumar Das haba kren ha kane ka sngi u la ai ka jingkren pdiang bad u la ong ruh ba ka University ka la pynlong kum kane ka rynsan baheh ban ïakhun Chess ka long ban ailad ïa ki samla ba don sap ha ka jingïalehkai Chess. U la pynpaw ruh da kaba ong ba ka USTGM ka ju pynshlur ïa ki samla pule ban shim bynta ha ki kam ïalehkai sport bapher bapher kum shi bynta ban wan rah ïa ka jingïatylli, ka jingsuk bad ka jingkmen ha ka ri hi baroh kawei.
