Mawkyrwat, Ïaïong 11: Ka Khasi Student’s Union (KSU) jong ka Nobosohphoh Area Unit ka pynpaw ïa ka jingsngewnguh bad ai khublei ïa ka uphis U District Sports Officer (DSO) jong ka South West Khasi Hills District halor ka jingpynlong jong u ïa ka Talent Identification Programme ha ka 9 tarik u Ïaïong, 2025 ha madan jong ka St. May’s Higher Secondary School, Rangblang, South West Khasi Hills District.
Lah ban kdew ba ka jingpynlong long jong ka ophis u DSO ïa kane ka prokram ka long hadien ba ka SKU ka la leit ïa kynduh ïa u ryngkat ka jingpynsngew ïa ka jingbym ïoh ïashimbynta ki khynnah na kitei ki thaiñ ha ka Inter School Sports Meet ba la pynlong da ka ophis jong u District Sports Officer ha manla u snem na ka daw ba kiba bun ki skul ha ki nongkyndong ki duna palat ki khynnah ban ïashimbynta.
Kumta, na ka liang ka KSU ka la ai kyntu ïa ka ophis u DSO ba un leh ei ei hapoh ka thaiñ Rangblang khnang ba ïa ka sap ki khynnah bad ba yn nym shah tep noh khlem da don ba plie lad ïa ki.Namarkata, na ka liang u DSO hadien kane ula pdiang ïa ka jingai jingmut bad ha ka ha ka 9 tarik u Ïaïong 2025 la dep ban pynlong ïa ka Talent Identification Programme ha kaba la wan ïashimbynta shitrhem da ki hynriew tylli ki skul kaba kynthup ki skul na Rangblang haduh Mawpat ha kaba ha kane ka lympung ki khynnah skul ki la ïoh shisha ïa ka lad ban pynpaw pyrthei ïa ka sap kyrpang ba ki don.
Ym tang, lyngba kane ka progkram ka la ai mynsiem shikatdei eh ïa ki khynnah don sap bad khatduh eh ka seng ka ai ka jingïaroh ïa ka ophis ba la shim ïa kane ka sienjam bad la sngap ruh ïa ki jingai jingmut bad ha ka juh ka por ka kyntu ïa ka ophis jong u District Sports Officer ba un dang ïai bteng ban pynlong kum kine ki progkram ha ki snem ki ban wan.
Kane ka long katkum na ka kyrwoh na u Samla Rimbul Thongni uba dei u General Secretary jong ka KSU Nobosohphoh Area Unit.
