Shillong, Naitung 30: Ka IAS Lasei Team kaba dei kawei na ki team kaba na ka shnong Nongkrem kaba wanrah ïa ki lad jingkamai lyngba ki Social Media ka la ïoh ban pynlong ïa ka Awareness Program hapoh ka shnong Nongkrem ha ka 25/07/2024 ha Youth Cultural Centre cum Community Hall, Ïewpyrsing Nongkrem. Ha katei ka program la wan ban ïashim bynta da kiba bun ki nongshong shnong naduh ki nongkitkam Shnong, ki Nonghikai Skul bad ki khynnah Samla kiba na ka shnong Nongkrem bad ki thaiñ ba marjan.
La pynïaid ïa katei ka Awareness Program da uwei na ki dkhot katei ka Team u Bah Bidison Warbah bad la ïoh ïa ka jingbatai bad pynshai shaphang ka rukom treikam bad rukom kamai na I Samla Laseihun Kharrngi iba long i Marketing Manager bad u Bah Empower Warbah uba long kum u Intern Assistant jong katei ka Company. La ïoh ruh ban ai ka jingai sngewbha sha ki 9 ngut ki dkhot katei ka Team kiba la trei shitom bad ïoh ïa ki kyrdan bapher bapher lyngba katei ka Company.
Kane ka Company ka ailad ïa ki briew ban kamai da kaba promote ïa ki short video lyngba ki apps kiba paw kiba la ïateh bad kane ka Company kum ka YouTube, Facebook, Instagram bad Tik Tok. Ki don ruh bun ki lad jingkamai lyngba kane ka Company ïa kaba yn sa tip kham bniah ynda la pynïasoh bad ka bad tang ba la don bad pyndonkam ïa ki Smartphone ki la lah ban pynïasoh ha kane ka Company. Ha katei ka sngi ka Lasei Team ka la ïoh ruh ban pynsaphriang ïa ka company lyngba ka Road Show ha shwa jong ka program. Na ka bynta ki jingtip kiba kham bniah kiba ïadei bad kane lah ban wan sha ka office jong ka kaba don ha Kynton U Mon, Laitkor hajan ka Marsawki Enterprise.
