SHILLONG, Lber 07: Ka Nongmensong CC ka la lah ban pynliem ïa ka Sputnik Spartan da 46 ron ha ka jingïalehkai jong ka lympung Shillong Cricket League Super Division 2024-25, kaba la pynlong da ka Shillong Cricket Association [SCA] ha madan kriket ha Polo.
Hadien ba jop ïa ka jingkynting pisa (toss) ka Nongmensong ka la shim ïa ka rai ban tied nyngkong, ha kaba ka la lah ban kamai 135 shuwa ban khyllem baroh 10 wiket haki 36.2 ober. U Kush Agarwal u la lamkhmat ha ka tied da kaba kamai 47 ron naki 80 bol, katba u Pushkar Singh u la kyrshan da kaba kamai 43 ron naki 63 bol. U Dilwar Khan u la khur 4/30 naki 8 ober, nangta u Robert Sangma u la khur 3/28 naki 9 ober.
Haba wanphai ban beh nadien, ka Sputnik Spartan ka la shah pynkut noh da tang 89 ron naba khyllem baroh 10 wiket tang haki 26 ober, dei tang u Robert Sangma uba la kham paw ha ka tied da kaba kamai 44 ron naki 101 bol.
U Anish Charak u la khur 2/23 naki 8 ober, katba u Jaskirat u la khur 2 wiket tang na ka 1 ober khlem da ailad ban kamai ron ha kaba u la khur syndon ïa ka nam ‘Player of The Match’.
