Shillong, Kyllalyngkot 29: Ka Malki CC ka la ïoh ban pynliem ïa ka Golflink CC 9 wiket ha ka jingïalehkai jong ka lympung Shillong Cricket League First Division 2024-2025 ba la pynlong da ka Shillong Cricket Association.
Ha ka jingïakhun ka Golflink ka la rai ban tied nyngkong hadien ba jop ïa ka toss, hynrei ka la shah pynkut noh tang na bynta ki 95 ron naba shah pynhap baroh 10 wiket ha ka 32.5 over, u Mk Ghosh u la lah ban kamai 16 ron naki 71 bol, nangta u MD Ajharuddin u la kamai 16 ron naki 38 bol.
Haba phai sha ki rang kawangbol ka liang pyrshah, u Deibormi Rangad u la khur 3 wiket naki 7 over bad shah tied 24 ron, katba u Heimon Lyngdoh u la khur 2 wiket naki 4 over bad shah tied 9 ron.
Haba jubab ka Malki ka la lah ban kynjoh ïa ka 96 ron ban duh tang u wei u wiket naki 9.4 over. U Junjun M Sangma u la kamai 59 ron naki 33 tylli ki bol, katba u Sylvester Mylliempdah u la ïarap 14 ron naki 22 bol.
ïa ka nam Player of the match la khur da u Deibormi Rangad u ba la seisoh ha ka bol da kaba khur 3 wiket naki 7 over.
