Pynlait ka Ka Balang jong u Jisu Khrist Riatsamthiah ïa ka thup jingrwai “Jingjop”

0

Shillong, Lber 13: Ka Balang u Jisu Khrist Riatsamthiah ha ka sngi Nyngkong ka la ïoh ban pynlait paidbah ïa ka thup jingrwai kaba la jer kyrtwng “Jingjop” ïa kaba la pynlait paidbah da u Rev Ïashanborlang Ryntathiang ha ka jingïalang ha Shillong Press Club, Shillong.
Haba kren sha ki lad pathai khubor u Pastor Ïashanborlang Ryntathiang u la ong ba kane ka thup jingrwai kaba ka Balang ka pynkhreh, na ka liang ka balang ka don ka jingngeit kaba skhem ba kan ïa lah ban plie ïa ki dohnud jong kiba sngap namar ka dei ka jingrwai kaba la thoh da ka jingpyrsad mynsiem jong u Blei.
U Pastor Ïashanborlang u la ïathuh ba ïa kane ka jingrwai la pynkhreh naduh u snem 2011 bad ong ba ha kane ka thup jingrwai ka don 13 tylli ki jingrwai kiba la thoh ha ka ktien Khasi ïa kaba yn lah ban ïoh na YouTube, Spotify bad iTunes.

Leave A Reply

Your email address will not be published.