Pynkup burom ka KSU ïa u Samla Teimiki Sungoh

0

Jowai, Jymmang 03: Ka Khasi Student Union (KSU) West Jaiñtia Hills District Unit mynta ka sngi kala pynkup burom ïa u samla Teimiki Sungoh na ka shnong Shangpung uba wan nyngkong ha ka Advance Mountaineering Courses ha ka Himalayan Mountaineering Institute Darjeeling.
Ha kane ka sngi la don lang u samla Phrangki Papang Finance Secretary, Soowatki Law Asst. Environment Secretary, Platini Mukhim Sport Secretary bad u samla Leningrad Tariang General Secretary nalor kiwei de.
U samla Leningrad Tariang ha ka jingkren ula kyntu ïa samla Teimiki Sungoh ba un dang ïai minot ha ka jingïaleh bad ban trei shitom khnang ban wanrah burom shuh shuh ïa ka ïing ka sem bad ïa ka Jaitbynriew baroh bad ruh ban ai mynsiem lem ïa kiwei ki samla ba don ïa kane ka sap bad ban kyntiew ïa kane ka sport hapoh ka Jylla.
La ïoh ruh ka jingkren na u samla Teimiki Sungoh ula ong ba ki samla na ka jylla ba leit ïa shim bynta ha kane ka Sports ki mad shibun ki jingeh ka jingeh kaba ha khmat duh dei ka jingduna ha ka liang ka jingïoh jingïarap na ka sorkar namar kam pat da ithuh bha ïa kane ka Sports wat la bun ki samla kiba lah kiew bha ha kane ka Sports.
Na ka Liang ka seng KSU ka kyntu ïa ka sorkar ba ka dei ban phai khmat sha kane ka Sports khnang ba ki samla kin dang ïoh bor ïoh mynsiem bad kin kiew ha kane ka jingïalehkai khnang ba kin lah ban leit ïashim bynta sha kiwei ki jylla bad ruh wat shabar ka Ri khnang ba ka kam ïalehkai kan kiew, pynkut ka kyrwoh na u Samla Juhhi Tariang Publicity Secretary KSU-WJHDU.

Leave A Reply

Your email address will not be published.