Pynkup burom ka JSU Ummulong Unit ïa ki 17 ngut samla pule kiba pass bha ha ka SSLC

Jowai, Ïaïong 28: Ka Jaiñtia Students Union (JSU) Ummulong Unit hynnin ka sngi ka la ïoh ban pynkup burom ïa ki 17 ngut samla pule hapoh ka shnong Ummulong kiba la pass bha ha ka Exam SSLC jong ka MBOSE.
Ha kane ka sngi la wan ban don lang da ki nongïalam ba hakhmat jong ka sengkmie, la sdang ïaka jingïalang da ka jingduwai na u Pastor R. Nongbri, ha kaba la pynïaid da u Wompher Passah uba long u President ka Ummulong Unit.
Na ka liang u ma Treiborlang R Suchen u Secretary ba rim jong ka seng ula long kum u kongsan, haka jingdonlang ka kong Niawki Samati kum ka symbud kongson bad ki Principal jong ki skur wapher bapher hapoh ka Shnong Ummulong.
Kum ka dak ban pynshlur ïa kitei ki samla pule ka Jaiñtia Students Union Ummulong Unit kala ïoh ban pynkup burom ïa ki 17 ngut ki samla pule jong ka thaiñ kiba la poi shakhmat da kaba ïoh ruh 4 tylli ki distinction, haka juh ka por ka seng ka kyntu bad ai mynsiem shuh shuh ïa ki ba kin dang bteng shakhmat ïa ki jingpule kiba kham shalor.