Shillong, Naitung 07: Ka Hynñiewtrep Youth Council (HYC) ha ka sngi Saitjaiñ jong ka taïew ba ladep ka la pynkup burom ïa ki arngut ki nongïalehkai Sports kiba la wanrah burom ïa ka Jylla ha ki kam ïalehkai bapher bapher.
Kine ki arngut kiba la shah pynkup burom ha ka HYC ki long u Samla Niawki Iakai u ba la long u National Referee jong ka Wushu bad ruh kum u Coach jong ka Jylla ha ka Wushu.
U wei pat u dei u Samla Banteilang Jyrwa u ba lah wanrah burom ïa ka Jylla kum u Champion ha ka Motor Cross Rider jong ka Ri.
Ha katei ka Sngi ka HYC lyngba ka Sports Cell ka la pynhap pyrda ruh ïa ka 1st Hynñiewtrep U-16 Football League ba la rah namlahduh da ka Na Rympei FC.
Baroh arngut ki samla ki la pdiang ïa ka jingshah pynkup burom na u President ba Rangbah jong ka seng HYC – u Bah Roykupar Synrem ryngkat bad u Vice president- Bah Donboklang Kharlyngdoh.
