Shillong, Risaw 23 : Ka BJP North Shillong Constituency ka la pynkup burom ïa u Bah Donbor Rumnong uba la ïoh rah ïa ka kyrdan kaba lai ha ka rynsan ïakop Mr.Physique jong ka WFF PRO AM CHAMPIONSHIP kaba la long ha ka ri Vietnam.
Ha kane ka sngi, ka BJP ka la pynkup burom ruh ïa u Shivam Roy halor ka jingïoh rung ha ka kyrdan kaba san ha ka Elite Classic National 2022 kaba la long ha New Delhi.
La pynkup burom ïa kine ki arngut ha ka jingïalang ba la plie paidbah ruh ïa ka ophis treikam jong ka 17 -North Shillong BJP ha Bamena House ha Riatsamthiah.
Haba kren ha kane ka jingïalang u State Executive Member ka BJP u Bah M. Kharkrang (Retd. IPS) uba long ruh u Nongaiktien jong ka BJP u la pynpaw ba ka jylla ka la donkam ban don ïa ka State Sports Policy bad ka jingbym don jong kane ka polisi ka la khanglad ïa ki samla kiba don ïa ka sap ka phong ban poi sha ki kyrdan jong ka nam.
