1st Division: Ïakhaid ka Moosalyngkat SC bad Mukhla Evergreen SC

0

Jowai, Risaw 23: Ka lympung ïalehkai phutbol jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long ha kane ka sngi saitjaiñ ha madan Kiang Nangbah Stadium, Dongmihsngi Jowai.
Haba phai sha ka jingïakhun na ka liang ki ar kynhun ka Moosalyngkat SC bad Mukhla Evergreen SC kila poi noh sha ka jingïakhaid da mar 0-0 kol, khlem da don shatia kiba ïoh ban pynkhih jar naduh ba sdang ka jingïakhun jong ka kylla step tad haduh jong ka kylla miet.
Ka jingkynhun hapdeng kine ki ar kynhun kala long shisha kaba itynnad haduh katta katta namar na baroh ar kynhun kila pyrshang katba lah ban theh kol, hynrei kine baroh ar kynhun kim shem la ïohlad satia ban pynkhih ïa ka jar haduh ba kut ka jingïakhun.
La pyntip ba ka jingïalehkai ha ka sngi Nyngkong 24 tarik kan long hadpeng ka Chutwakhu SC pyrshah ïa ka Shangpung Moosyiem SC ha ka por 2 baje shiteng nohphai sngi.

Leave A Reply

Your email address will not be published.