Shillong, Nailur 30 : Ka seng Akhil Bhartiya Vidyarthi Parishad (ABVP), Shillong unit, ka la pynlong ïa ka jing Pynkup burom ïa ki khynnah jong ka SSLC bad ka HSLC ha ka naam ka kyrteng jong ‘U TIROT SING” Best Student Award ha ka 29 tarik jong u bnai Nailur 2022 ha SoSo Tham Auditorium Shillong.
Ha Kane ka prokram la wan pynsakhi da u myntri pule puthi jong ka Sorkar Nagaland u Shri. Temjen Imna Along Longkumer ba long kum u kongsan. Don ruh bad u Deputy Syiem Jong ka Hima Nongkhlaw u Dr. Kestonbel Manik Syiemlieh ba long kum u symbud kongsan. La ïadon lang ruh u Zonal Organizng Secretary Jong ka Seng ABVP North East u Shri. Nirav Ghelani bad ruh u State President jong ka Seng ABVP Meghalaya u Dr. Sashankutlang Khongthohrem bad ter ter.
Ha kane ka prokram la kren da I kongsan ha ka phang ban aibor ai mynsiem ïa ki kynnah pule jong ngi bad ruh u la plie ïa ka wei ka ABVP news ki activities ba ka ABVP Meghalaya ka sdang ban leh haduh kine ki sngi , u la plie ïa ka ha ka ABVP voice jongka ABVP page. La kren ruh da u symbud kongsan ïa ka jingim jong u Tirot Sing. Nangta u Zonal Organizng Secretary jong ka Seng ABVP North East u la kren shaphang ki kam jong ka ABVP.
