Nongstoiñ, Rymphang 27: Kumba ka Election Commission of India ka la pynbeit ba ka jingthep vote ha ka jylla Meghalaya kan long mynta ka sngi ka 27 tarik Rymphang, kumta ka la pynkhreh kyrpang ruh ïa ki dara kiba itynnad ha ki polling station kiba hap ha ki model village.
Ha West Khasi Hills ka Rambrai Jyrngam Assembly constituency, ka shnong Nonglang ka dei kaba la ithuh da ka sorkar kum ka model village. Kumta ha kane ka election ba mynta ka sorkar ka la pynkhreh kyrpang ban pynitynnad bad ban pynphuh pynphieng ïa ka jaka thep vote kaba dei ha ka Nonglang Secondary School building.
Ha ka jingleit jurip ïa ka jinglong jingman jong katei ka thaiñ mynta ka sngi, la lap ba ka jingthep vote ka ïaid beit ïaid ryntih bha bad ki paitbah ruh ki ïa mih ryntih ban thep ïa ki vote jong ki.
Ha kaba ïadei bad ka jingïoh thep jong ki paitbah ïa ki vote jong ki ym shym la lah ban sdang ha ka por ba biang, namar ka jingthut jong ki mashin EVM. Ki don katto katne tylli ki polling station kiba la hap ban sdang dier por ban thep vote kum ha Langja, Kyrdum bad Langpih, namar ka jingthut jong ki mashin. Wat la katta ruh ki paitbah nongthep vote ki lah ban ïaishah haduh ban da lah ban pynbei
