Shillong, Nohprah 14: Ka Shillong ka la pynkhreh mynta ban pynlong ïa ka jingïakob rwai Christmas Carol kaba nyngkong kaba kynthup ha ka kynhun bad kaba marwei bad kumjuh ruh ha ka choir ha kane kan long ha ka 20 bad 21 tarik Nohprah ha Anton Hall, Laitumkhrah. Ïa kane yn pynlong lang da ka Big FM, kaba dei kawei na ki radio networks kaba paw ha ri India, bad JBL, nangta, ka Jingle All The Way kan long kawei na ki jingrwai khrismas ha ka Christmas Carols ha kane ka jingrakhe ïa kane ka Christmas ha Nongbah.
Ka jingrwai JINGLE ALL THE WAY kan long kawei na ki jingrwai ki ban khring ïa kiba ïashim bynta, ki Balang bad ha ka jingshisha kan long na ka bynta iwei pa iwei kiba sam ïa ki jingieid ban ïashim bynta ha ka Christmas Carols bad kiba kwah ban ïohi ïa ki sap ba bha tam na Meghalaya ki ban ai ki jingrwai ban pynbyrñia lyngba ka put ka tem.
Kum ka dak ban burom ïa ka jingriewspah ka put ka tem bad ka jinghiar pateng la bthah ïa kiba ïashim bynta ha ki jingïakob ki donkam ban pyndonkam ïa ki riam bad ki tiar ba ki pyndonkam kiba long long katkum ka riti dustur ne ka traditional carols ha kaba kane kan wanrah ïa ka jingïashim bynta kaba long hapdeng ka jingpaw jong ki nong western bad kumjuh ruh ka put ka tem kaba long da ka rukom leh ki trai ri trai muluk.
Nalor ka jingïakob rwai, ka JBL bad ka Big FM kan pynthaba ïa ki surok jong ka Shillong da ki kam ïa mareh ki ban mareh lyngba ki jaka jong ka nongbah. Kine kin pynthaba ruh lyngba ki Christmas decoration, ki lights bad kane kan ailad ïa ki paidbah ka Shillong da ki kam kum ka Karaoke, Christmas Rap Contests, Silent Disco bad kiwei kiwei.
Ha kane ka Carol ki nongtem ba pawnam kum u Bah Rudy Wallang, Kitkupar Shangpliang, Jeremy Mawlong bad Tipriti Kharbangar kin ïa shimbynta ban ai jingrwai bad kumjuh ruh ban long kum ki nongbishar bad ha kaba ïadei bad u Bah Rudy Wallang bad ka kynhun tem jong u kin sa tem ha ka Grand Finale of Jingle All The Way.
Haba ïadei bad ka JBL, ïa kane ka prokram la kyrshan ruh da ka IOCL bad BIS Hallmark ki ban bei tyngka ha ki jaka kiba paw bad kumjuh ruh ha ki jaka jngohkai. Ka Local production company, The Co.Lab, la aiti ba kan peit ïa baroh ki jingpynkhreh ïa kane ka prokram, bad ban pynthikna ban pynsah kynmaw ïa ki paidbah bad kumjuh ruh ïa ki nongwan jngohkai kiba wan sha kane ka jylla.
