Khliehriat, K’lyngkot, 23: Ka Seiñ Kur Dkhar, ka la nang pynïar shuh shuh ïa ka shnat treikam jong ka kur sa sha ki thaiñ khappud kaba la tip kum ka Kur Dkhar Narpuh Border Area Circle.
Ha ka jingïalang ba la pynlong ha shnong Pyrtakuna myn ha ka 20 tarik mynta u bnai ka Seiñ Kur Dkhar ka la jied bad pynskhem ruh ïa ki nongkitkam ba pura jong ka Narpuh Border Area Circle, ha kaba la pynskhem bad pyntian smai da u President ka seng Kur Dkhar Central Body,u Ma Harvis Dkhar
Ha katei ka juh hi ka sngi ka seng Narpuh Border Area Circle ka ïoh ban pynkup burom ruh ïa khun samla jong ka kur kiba la pass bha ha ki jingpule ha ki kyrdan pule ba pher ba pher.
Ïa ka prokram la pynïaid da u Teras Dkhar, uab dei u President jong ka Seiñ kur Dkhar, East Jaiñtia Hills District, la ïoh ruh ka jingkren na u Vice President Seiñ Kur Dkhar East Jaiñtia, u bah Shaniahskhem Dkhar uba la ai ki kyntien sneng kyntu ïa ki nongkitkam bad ïa ki samla pule jong ka kur kiba don ha ki khappud.
La ïoh ruh ïa ka jingkren na u Ma Chostly Dkhar, u ma Luh Dkhar uba dei u President jong ka Seiñ kur Dkhar Tuber Circle, u ma Lamphrang Dkhar, General Secretary Seiñ Kura Dkhar, Jalyiah Khlieh myntriang, la don ryngkat lang ruh u ma Wom Dkhar, u ma Kermi Dkhar bad kiwei kiwei ki riew rangbah jong ka kur.
Ki nongkitkam bad ki dkhot jong ka Seiñ Kur Dkhar Narpuh Border Area Circle ki kynthup u President, u bahTariang Dkhar, Vice President, u bah Myself Dkhar, General Secretary, u bah Daniel Dkhar, Assistant Secretary, u bah L. Dkhar, Treasurer, u bah Election Dkhar la jied ruh ia ki san ngut ki dkhot ka executive.
