Pynkha shnat treikam ka WKSU sengkmie ha Rambrai

0

Nongstoiñ, Risaw, 14: Ka WKSU sengkmie ha ka sngi thohdieng ka la pynkha ïa ka shnat treikam jong ka ha Rambrai ba la tip kum ka WKSU Rambrai circle. Ha kane ka sngi la pynskhem ïa ki nongkitkam jong katei ka jylli treikam, ha ka jingdon lang u president rangbah ka sengkmie u samla D.Sun ha ryngkat ka jingdonlang ki dkhot nongïalam ka seng kmie.
La ïoh ruh ban jied ïa ki nongïalam ba thymmai jong ka WKSU Rambrai circle, kiba kynthup ïa u President u samla Kyrmenstar Marweiñ bad ïa u samla Milando Paliar kum u secretary bad ïa kiwei kiwei ki dkhot nongkitkam bad ki executive member.
Ka jingthmu jong ka seng bad don noh ïa katei ka jylli treikam ha katei ka thaiñ, ka long ban peit lem ïa ki jingeh ki paidbah ha ka roi ka par bad khamtam ïa ka roi ka par bad ka imlang sahlang jong ki khynnah skul bad ki samla pule. Ym tang katta hynrei ban peit lem ïa ka jingbit jingbiang ha ka imlang sahlang bad ka ïoh ka kot jong ki ba bun balang bad salonsar.
Ka WKSU sengkmie ha kane ka sngi ka kitbok kit rwiang ïa ka jylli treikam jong ka seng WKSU Rambrai circle, da kaba ai mynsiem bad ai jingmut ba ki nongïalam jong kane ka jylli treikam.

Leave A Reply

Your email address will not be published.