Pynjynsur curfew miet shuh shuh ha Sahsniang
![](https://mawphor.com/wp-content/uploads/2022/05/mawphor-1-2.jpg)
Jowai, Lber 10: U District Magistrate jong ka West Jaiñtia Hills District u bah B.S. Sohliya, IAS mynta ka sngi ula pynmih ïa ka hukum bala pynjynsur ïa ka jingpyntreikam ïa ka kyndon 144 Cr.PC ha ka shnong Sahsniang, West Jaiñtia Hills ha kaba la pynlyngkot noh ïa ka Curfew miet kaba dang bteng haduh kine ki sngi.
Katkum kane ka hukum ba la pynmih mynta u District Magistrate ula pyntip ba ïa ka Curfew miet kaba la buh naduh 9:00 PM haduh 5:00 AM la pynhiar noh shaka 11:00 PM haduh 4:00 AM. Kane ka hukum kan treikam naduh mynta ka miet jong ka 10.03.2023 tad haduh ban da pynmih da kawei pat ka hukum.