Shillong, K’Lyngkot 12: Ka BJP East Jaintia Hills Mandal mynta ka sngi ka la nang ïoh bor lyngba ka jingwan ïasoh ka Kong Jhanika Siangshai kaba dei ruh ka kyrtong jong ka Congress haka ilekshon MLA 2023.
Ha kane ka sngi u rangbah shnong barim ka Tuber Kmaichnong bad u nongïalam ka UDP u Bah Jiedlang Sana ruh ula rung lang shaka BJP.
ïa Kong Jhanika bad ïa u Bah Jiedlang la pdiang da u President ka Meghalaya BJP u Rikman G Momin haka jingïalang kaba la long ha Khlieriat.
Kiwei kiba don ha kane ka sngi ki kynthup u president barim ka BJP u Bah Shibun Lyngdoh, Moina Sing Phyllut bad kiwei ki nongtrei ka BJP.
