Nongstoiñ, K’lyngkot 28: Katkum ka khubor pulit la ïathuh ba ha ka 27 tarik mynta u bnai, ki pulit ka Nongstoiñ PS ki la ïoh jingtip na u rangbah shnong ka shnong Langlew West Khasi Hills, ba uwei u briew ba tip kyrteng u Tiar Sing Sohshang, 68 snem na kane ka shnong, u la khlad noh ha ïing sah hadien ba u la shah shoh shah dat ha la u jong u khun.
U Officer Incharge ka Nongstoiñ PS u la leit ban jurip bad tohkit ha kaba la lap ba u Bah Tiar Sing Sohshang u la shah pynïap ha u khun uba don ka jingpang ha ka bor pyrkhat bor jabieng.
Ki Pulit ki la kem noh ïa u khun, u Drasdingwell Lyngkhoi uba la 25 snem ka ka rta bad la rah ïa u sha Civil Hospital Nongstoiñ na ka bynta ki jingdonkam.
