Tura, Nailar 11 : Ka jingïalang pynhap pyrda jong ka SPANDAN League – District-Level Junior (Under-18) Football Tournament ka la long ha ka 11 tarik Nailar 2026 ha Football Stadium, Don Bosco Higher Secondary School, Tura.
Ïa kane ka lympung ïalehkai la wan ban pynhap pyrda da u Lalit Mohan Sharma, DIG, SHQ BSF Tura, uba long u Kongsan ha kane ka jingïalang.
Ïa kane ka lympung la pynlong da ka 144 Bn BSF, hapoh ka jingpeit jingkhmih jong ka SHQ BSF Tura. Kane ka lympung ka dei shi bynta jong ka SPANDAN programme jong ka Sports Authority of India (SAI), bad ki la don 16 tylli ki kynhun kiba ïashim bynta.
Haba kren sha ki samla ïalehkai, u Lalit Mohan Sharma u la kyntu ïa ki ban burom ïa ka jinglong ryntih ha baroh ki liang, jingïatreilang, ka mynsien ïalehkai kaba khuid. U la ïaroh ruh ïa ka jingminot bad ka jingshim bynta jong ki samla ha kane ka tournament.
Ha ka final, ka Government Boys’ Higher Secondary School, Tura ka la ïakhun pyrshah ïa ka Rongram United Secondary School, Tura. Ha ka jingïalehkai kaba itynnad bha ka Government Boys’ Higher Secondary School ka la jop da 3-0 kol bad ïoh rah ïa ka SPANDAN League Championship Trophy.
Ka Rongkhon Don Bosco Higher Secondary School, Tura pat ka la ïoh ïa ka kyrdan ba lai. Ha kane ka sngi la donlang ruh ki ophisar na ka BSF, CRPF bad Army, ki nongmihkhmat na Civil Hospital Tura, ki kynhun kiba ïashim bynta, ki bor pynïaid skul, ki coach, team manager, ki khynnah skul, ki rangïalehkai, ki nongtrei BSF bad kiwei kiwei.
