Pynhap pyrda ka Seng Samla Raid Nongbri ïa ka FT ha Umsawnongbri

0

Nongpoh, Kyllalyngkot 18: Kum shi bynta ban wan rah ïa ka jingïatylli bad ban kyntiew ïa ki sap ki phong ki khun samla ha ka kam ïalehkai phutbol, ka Seng Samla Raid Nongbri ha Ri Bhoi mynta ka sngi ka la pynhap pyrda noh ïa kawei na ka lymgpung ïalehkai phutbol kaba la shim ha ka sien jam ba nyngkong ban pynlong kane ka lympung na ka bynta ban sei madan ïa ki sap ki phong ki khun samla ka Raid ha kaba ïa dei bad ka kam ïalehkai phutbol.
Ïa kane ka lympung ïalehkai phutbol ka Seng Samla Raid Nongbri la wan ban pynhap pyrda da u Samla Jason Lennox Nongrum, President ka HYC Ri Bhoi kum u kongsan bad la sakhi lang ruh da ka jingdon lang u Syiem ka Raid, u Paiem B.S Syiem, u President ka Seng Samala, u Bah Mission Tron, u Secretary, u Bah B.S Lamarai bad kiwei kiwei ki riew rangbah.
Ha kane ka sngi ba la pynhap pyrda noh ïa kane ka lympung ïalehkai phutbol la ïa khun pyrshah hapdeng ka Umkei Spot Club pyrshah ïa ka Umsawnongbri Sport Club kiba la la poi sha ka thup jong ka phainal ban ïa knieh ïa ka nam lahduh jong kane ka lympung ïalehkai phutbol.
Haba phai sha ka jingïakhun kine ki ar kynhun ba ïaknieh ïa ka nam lahduh ka lympung ïalehkai phutbol, ha ka kylla step ka jingïakhun hapdeng ka Umsawnongbri bad ka Umkei ka la long kaba ïa khaid bha bad hapdeng ka jingïakhun bor bah ban ioh thep kol ka jingïakhun ka la kut noh hapdeng ka jingïakhait bad dei ha ka kylla miet ba ka Umkei Sport Club da ka jingkham trei shitom ka la ioh ban pynkhih ïa ka jar bad lyngba katei ka shi kol ka la biang pura ïa ka ba kan ioh rah ïa ka nam lahduh jong kane ka lympung ïalehkai phutbol.
Kum ban pynshlur bad ban ai mynsiem ïa kine ki ar kynhun kiba la poi sha ka thup jong ka phainal, ka Seng Samla Raid Nongbri ka la sam ruh ïa ka khusnam pisa ryngkat ka trophy, ha kaba ka Umkei Sport club kum ka lahduh ka la ioh ban rong ïa ka khung pisa kaba T. 30000 bad ka Umsawnongbri kaba wan ha ka kyrdan baar ka la ioh khur ïa ka song pisa kaba T. 20000 ryngkat kitei ki trophy ba la sam da u Samla Jason Lennox Nongrum ryngkat ka jingïarap sam lang kiwei kiwei ki riew rangbah.

Leave A Reply

Your email address will not be published.