Shillong, Naiwieng : Ka Mynriang Presbyterian LP&UP School kaba dei kawei na ki skul kaba hap hapoh Mawryngkneng Block ka la pynkut noh ïa ka taïew lehkmen ne ‘School Week 2023’’ kaba la sdang naduh ka 23 tarik haduh 30 tarik u Risaw 2023, ha ka jingiadon lang u CEM ka KHADC u Bah Pynïaid Sing Syiem kum u Kongsan
Ha ka sngi sdang jong ka ‘School Week’ la wan plie da u Babu W R Kharkongor u ba dei ruh u President jong ka MSSASA East Khasi Hill District, bad hapoh kane ka taïew la ïoh ban pynlong shibun ki jingïalehkai bapher bapher, kata naduh ka long jump, three leg race Sponse, Race Tug of War Race, Relay Race Football Sag Race Singing Dancing Quiz Exterm pore speech, Arms wresting Corrom board bad kiwei kiwei.
Katba ha ka sngi ba kut jong kane ka taïew lehkmen la ioh ban pynlong da ka awareness program halor ki mat bapher bpher kata naduh ‘ka jingkordor ka jing stad’ ‘ka jing pep skul shiteng por’ ‘ka Shongkha Khynnah’ ‘ka jingkoit jingkhiah’ ‘ka synshar khadar’ ‘ka jingngeit biej’ kiwei kiwei ki bynta lyngba ki resource person ne ki nongai jinghikai bad pynshai halor kine ki mat bapher bapher.
Ha kane ka sngi la ïa don lang ruh naduh ki doktor napoh PHC Dienpasoh na ophis BDO Mawryngkneng Block, na ka tnat Social Welfare bad ki nonghikai skul na kiwei kiwei pat ki skul, u Sordar Shnong Bah Super Rngaid, ki riew rangbah jong ka thaiñ bad kiwei kiwei.
Baroh ki nongkren ki la kyntu ïa ki paidbah nong shong shnong kumjuh ïa ki kmie ki kpa ba kin ai ka jingïatreilang bad ki tnat bapher ba pher jong ka sorkar, bad ki la kyntu ruh ïa ki khynnah skul ba kin ïai minot ha ki jingpule ki jong ki khnang ba kin lah ban poi sha ka thong jong ka jingjop.
La pynïaid ïa kane ka prokram ha kane ka sngi da u babu J J Lyngkhoi bad la ïoh ruh ka jingkren pdiang na u Tbn Laitsing Nongrum President ka MC bad ruh ka jingkren ai khublei na u Babu G Marbaniang uba dei ruh u Head Master jong ka skul.
La pynshongkun shuh shuh ïa kane ka program lyngba ki jingrwai bad ki jingshad bapher bapher na ki khynnah skul.
