Pyndep ki 64 ngut ki Samla ban shah hikai na ka Sub Center Tornado Security Agency
Jowai, Naitung 11: Haduh 64 ngut ki samla kiba kynthup ïa 28 ngut ki samla shynrang bad 36 ngut ki samla kynthei mynta ka sngi 11.07.2023 kila lah ban pyndep ïa ka jingai jinghikai ne ka (Pass Out Parade) ba 45 sngi lynter na ka Sub Center Tornado Security agency kaba don ha Umdeinlin ha shnong Iooksi West Jaiñtia Hills District.
Ha kane ka sngi la pynbam smai ïa ki da u Rev R. S. Nongkynrih, ha ka jingïadonlang u ma S. Tang Ex MDC JHADC kum u kongsan, ma Letkor Dkhar Symbud Kongsan, ma Cassian Alphone Suchiang, ïa ka jingïalang la pynïaid da u ma Pyndapbiang Muksor uba long ruh u Camp Commander & Training Incharge jong kane ka Center.
U ma Pyndapbiang u la ïathuh ba kane ka jingia jinghikai ïa kine ki samla kaba mynta ka dei ka sien ne ka wat kaba saw jong Tornado Security, u la ong ba la wanrah ïa ka kum kane ka jingai jinghikai ka long ba u pyrkhat jngai na ka bynta ka jingïohkam ïohjam ki samla.
Kum kane ka jingai jinghikai ka long kum ka wait kaba ki samla ki la don lane ka lad ïa ki ba kin suk ban wan ïa ki kam Security namar hadien ba ki la pass ki la ïoh ruh ïa ki syrnot (Certificate), ong ma Muksor.
Shuh shuh u la ong ba kane ka la don la kham slem hynrei da ka wei pat ka kyrteng ha kaba la bun ki samla ki la ïoh ïa ki kam security Guard lynngba kane ka jingai jinghikai. U ma Pyndap u la pynpaw ruh ka jingsngew nguh ïa u MLA ka thaiñ u ma Nujorki Sungoh uba la noh synñiang sha kane ka Center ha kine ki sngi ba la dep.
Katba u kongsan u ma S. Tang haba kren u la ong na ka liang jong u wat la um tip ïa ki rukom hikai, hynrei haba u peit ïa kine ki samla kila pyndep ïa kane ka jingai jinghikai ula sngewhun shisha haba peit ïa ka rukom pdiang burom, ka akor bad leh burom jong ki, na ka liang jong u, u la kyntu ba ki dei ban long kiba sngewrit bad kiba ïaishah yn da ki la ïoh ïa ka kam ka jam ka jong ki.
Ula pynpaw ruh ka jingsngewnguh ïa u ma Pyndap biang Muksor uba dei lyngba une u rangbah la lah ban wanrah ïa kum kane ka jingai jinghikai kaba lah ban ai jingmyntoi ia ki samla.
La pynphuh pynphieng ïa kane ka sngi da ki jingshad, jingrwai, jingrwai ieit ri, shad Comedy kiba la shim bynta da kitei ki samla ba la pyndep ïa kane ka jingai jinghikai.