Shillong Nailur 10: Ka Meghalaya State Legal Services Authority (MSLSA) ha ka Sngi Saitjaiñ kala pynlong ïa ka National Lok Adalat ha baroh ki district jong ka jylla Meghalaya.
U Member Secretary jong ka Meghalaya State Legal Services Authority Bah E Kharumnuid lyngba ka kyrwoh ula pyntip ba ka MSLSA kaba dei hapoh jongka National Legal Services Authority (NALSA), ha ka jingpynlong ïa ka National Lok Adalat, ka la shong tian bishar ia ki 837 tylli ki mukotduma bad ïa ki 450 tylli ki mukotduma kiba dang shateng la tian bishar na ka bynta ban ïoh pynbeit noh.
La tian bishar ïa 1287 tylli ki mukotduma ha kaba la lah ban pynbeit haduh 235 tylli bad ka kuna ka la kynjoh sha ka T.84,47,480 Lak tang ha ka National Lok Adalat.
