Nongstoiñ, Nailar 16: Ka Hynñiewtrep Youths Council Nongstoiñ Circle, ha ka jingïalam u Redyfernandy Sun President bad u samla Ïaiñehskhem Ryntathiang lem bad u samla Lumlang Kharsyiemlieh President HYC West Khasi Hills District, ka la dawa na u Branch Manager State Bank of India Nongstoiñ Branch, ban buh kham bun shuh shuh ki Automated Teller Machine bad Cash Deposit Machine.
Ka seng ka la dawa ruh ban buh ïa ka jaka sei pisa (ATM) hajan ki Hospital kiba don hapoh ka Nongstoiñ Area. Kata ka Civil Nongstoiñ kaba don ha Mawkadiang bad ka St Joseph Hospital kaba don ha Tiehsaw, khnang ba kan pynsuk ïa ki briew kiba leit sumar ha kine ki jaka.
Na ka liang u Branch Manager u la kular ban shimkhia ban ïa kren ha Head Office na ka bynta ka jingbha ka ki paitbah.
