Pynbna u DEO ïa ki kyndon ka MCC ha kaba ïadei bad ka jingpynlong ïa ki Campaign/rally

0

Jowai, Rymphang 17: U District Election Officer & Deputy Commissioner (Election), West Jaiñtia Hills ula pyntip ba katba ka sngi thep vote ka MLA Election 2023 ka la jan, ka office trei kam jong u Deputy Commissioner la lap ba lah don ka jingpynkhreh bad jingpynbiang ïa ki Rally/Campaign da ki star campaigner/leaders jong ki party bapher bapher.
Te ha kaba ïadei bad kane u District Election Officer, DC (Election) WJH u la pynmih ïa kine ki kyndon kiba long kumne la khang pyrshah ban tah ïaki poster ne pynieng ki banner ne sieh ki lama ne thoh pathar kino kino ki jingthoh badei shaphang kano kano ka party ha ki ïing-treikam ka sorkar (Govt building) bad hapoh u pud u sam jong ka. Hynrei Kane ka kyndon kam kynthup ïaki Surok, lynti ïaidkjat, ki kynroh, ki bus stand, public transport, power station, street lights, electric poles, public garden n park, ki ïing skul bad hospital.
La khang pyrshah ïa kino kino ki party ban tah poster/sieh lama/ thoh jingthoh ha ki private property khlem da ïoh jingbit shwa na u/ka trai jaka/building/compound wall, Lah khang pyrshah ïa kino kino ki political party/Candidate ban pynmih jingkulmar ne pynwit ne khanglad ïa ki meeting/rally/campaign jong kiwei pat ki political party/candidate. Kino kino kiba leh pyrshah yn pynhap ïaki hapoh ka kyndon jong ka election under section 127 of the Representation of the People Act, 1951.
La khang pyrshah ïa kino kino ki party/candidate ban canvas hapoh 100m naka polling station katkum ka kyndon electoral offense under section 13 of the representation of the people act 1951
Ki bor pulit ka District ki dei ban ïoh jingtip haka por ka babiang naka bynta ka jinbit ban pynlong ïa ka meeting ha kano kano ka jaka ba lah buh.
Ka permission ban pyndonkam da ki loudspeaker etc na bynta ki meeting dei ban ïoh shwa naka ophis treikam u DC lem bad ka NOC na u Headman bad SP kumjuh. La kyrpad ïa baroh ban burom ïaka hok shongsuk shongsain jong iwei pa wei.

Leave A Reply

Your email address will not be published.