Pynbna paidbah u DC ka EJHD ïa ka EOI kaba dei ruh ka skim Wayside Amenities ka ban long ka lad kamai

0

Khliehriat iaiong 27 : Namar ka jingkiew ka jngwan ki nongjngohkai pyrthei hapoh ka jylla, u Deputy Commissioner, East Jaiñtia Hills District, u pynbna ba ka long kaba donkam ban don ki jaka kiba biang ban leit shabar (toilet), ki cafes, ki jaka ieng kali kiba biang harud ki surok national highway bad ki surok shnong ruh, kane kan ïarap shibun ïa ki nongleit jingleit, ki nongñiah kali kiba wan na bar bad ruh ba kin sngew suk bad shngaiñ, ha kaba ïadei bad kane la pynmih ïa ka Expression Of Interest (EOI).
Kane ka Expression of Interest (EOI), ka long ban khot application na kito ki briew kiba don jingmut bad kiba lah ban leh ïa ka kam, ha kaba ka tnat Directorate of Tourism kan sa shna ïa kiba donkam (wayside amenities) ha ka jaka ba la pyni da ki nongthep kyrteng ne ki shnong, ha kaba kiba thep kyrteng lane ki shnong ki hap ban shim ïa ka jingkitkhlieh ban pyntreikam bad pynbit pynbiang bad kane kan ïarap kum ka lad kamai ïa ki.
Ka jingthmu ba kongsan jong kane ka skim ‘Wayside Amenities’ ka long ruh ban pynsuk ïa ki nongleit nongwan kiba dei ïaid lynti na kane ka jaka, kumjuh ruh ban pynitynnad ïa ka jaka ha ki rud surok ban ppi sha kino kino ki jaka jngohkai pyrthei bad kumjuh ruh ban wanrah ïa ka jingiohnong jong ki shnong ki thaw.
Katkum ki kyndon, la ong ba ka jaka ka dei ban don harud ka surok national highway lane ka state highway bad ka dei ban don haduh 1000 sq phut, ka jingïar ka dei ban don 15 phut, kin ioh ruh ka lad ban ïoh bor ding, ka um bad ki jaka ban bret ïa ki ñiut.
Ka tnat Jngohkai pyrthei (Tourism) kan sa jied ïa ki jaka tang ïa kito ki kynhun kiba lah ban pynbiang ïa ki jingdonkam, kan kham bha ba uba thep application un dei hi u trai jaka lane uba lah ban shim wai ïa ka jaka haduh shiphew snem bad dei ruh ban ai lang ïa ka kot shim wai jaka (Documentary Support shall be submitted).
Kiba thep apllication ki dei ruh ban ai (submit) ïa ka ‘Expression of Interest sha ka tnat Directorate of Tourism, Nokrek Building Lower Lachumiere, Shillong, Meghalaya-793001, ki lah ban leit rah hi ruh ia ki application bad ki lah ruh ban phah lyngba ki courier/ speed post/ registered post, dei ruh ban ai lang (submit) ïa ka thup jong ka EOI bad dei ban soi da ki nong thep kyrteng (applicant), dei ruh ban submit ïa ka Expression of Interest ha ka Form – I, ka Self-declaration in Form – II, ka Format (Pre-bid queries) ha ka Form – III bad ka Pre-qualification eligibility criteria Form lem bad ki kot ba donkam.
Kane ka EOI kan neh tang haduh 20 sngi ban pdiang ïa ki application, lada donkam kino kino ki jingpynkylla, ne ki jingpynshai, dei ban leit na ka website https://www.meghalayatourism.in/

Leave A Reply

Your email address will not be published.