Pynbna ka MCA ïa ki 15-ngut ban mihkhmat sha ka NE Senior Women Tournament ha Sikkim

Shillong, Lber 27: Ka selection committee na bynta ka kynhun ïalehkai kriket ki kynthei ba la rangbah jong ka Meghalaya Cricket Association ka la jied ïa ki 15 ngut ki thei ïalehkai bad san ngut ki standby ban mihkhmat ïa ka Jylla sha ka 2nd NECDC Senior Women Tournament 2025 ka ban wan, ka ban sa long ha Rangpo, Sikkim, naduh ka 07 haduh 09 tarik ïaïong.
Ha kane ka kynti yn ïalam ïa ka kynhun da ka Debasmita Dutta kum ka kapten ïa kaba yn sa kyrshan lem da ka Riticia Nongbet kum ka symbud kapten, la pyntip u Honorary Secretary jong ka MCA, u Bah Rayonald Kharkamni lyngba ka kyrwoh.
Ka sien ba nyngkong ba la pynlong ïa kane ka lympung ba la pynïaid da ka North East Cricket Development Council, ka long ha Nongkhrah, Ri-Bhoi District ha u bnai Risaw jong u snem ba la dep, ha kaba ka kynhun ki thei ïalehkai ka Sikkim ryngkat bad ka Nagaland ki la shah pynbna kum ki lahduh lane Joint Winners, hadien ba ka jingïakhun phainal jong kane ka lympung la shah pynthut ha u slap, kaba khlem ailad ïa kane ka jingïakhun ba kan lah ba kan jam shakhmat.
Ka thup kyrteng jong ki thei ïalehkai ka Meghalaya ki long: Debasmita Dutta (C), Riticia Nongbet (VC), Luiza Tamang, Monica L Phawa (WK), Neha Hajong, Ankita Sharma, Rebeldalis Syiemlieh, Ruby Chettri, Daiaka E Warjri, Ritreki Pohshna, Rikmanchi M Sangma, Indariakor Kharwanniang, Monica Singh, Deimaphishisha Lamare, Ajima Sangma.
Standby: Saradafica Kharbani, Dubleen Nengnong, Solina Jaba, Neelam Roy, Shruti Kumari Ray
Support staff: Mackie D Blah (Coach), Bhakupar Mylliemngap (Assistant Coach), Wandashisha Dkhar (Physio), Darishesha Mawroh (Trainer), Baiahunlang Mylliemngap (Manager).