Shillong, Jymmang 12: Ka lympung ïalehkai kriket kaba nyngkong eh na bynta ki khynnah kynthei ba hapoh 15 snem kaba la tip da ka U-15 Girls North East Rising Cup 2025 kan sdang ha kane ka sngi Ba-ar bad ka Meghalaya Cricket Association hynnin ka sngi Nyngkong ka la pynbna ïa ka kynhun ïalehkai ba pura kaba don 15 ngut na ka bynta kane ka lympung ïalehkai jong ki Jylla kane ka thaiñ shatei lammihngi.
La jied ïa 20 ngut ki nongïalehkai na bynta ka prokram pynkhreh (zonal camp) ha Shillong bad ha Tura shuwa ba ki thei ïalehkai kin ïa lumlang ha Nongkhrah, Ri-Bhoi, ha kaba la pynlong ïa ka prokram jied ba khatduh bad ka jingpynkhreh.
Kane ka lympung kaba thmu ban kyntiew ïa ka jingïalehkai kriket jong ki kynthei naduh dang rit (grassroots women’s cricket) na kane ka dong shatei lammihngi ka dei ka jingshimkhia jong ka Assam Cricket Association bad yn pynlong ïa kane ka lympung ha Guwahati.
ïa ki 8 tylli ki kynhun kiba ïashim bynta la phiah ha ki ar Group, ha kaba ka Meghalaya ka la ngat ha ka Group B ryngkat bad ka Tripura, Sikkim bad ka Mizoram. Ka Assam, Arunachal Pradesh, Manipur bad Nagaland ki don ha ka Group A.
Ka thup kyrteng ki thei ïalehkai ka Meghalaya ki long: Namesha A Marak (C), Laviola Mary Lyngdoh (VC), Prisceca Nongpiur (WK), Naridashisha Marngar (WK), Phibanylla Tongwah, Lawanjingkyrmen Lyngkhoi, Badphishyrta L Nonglait, Avianna Myrthong, Alvarine Shullai, Anuradha Gurung, Iarikmen Kharbteng, Onasa M Sangma, Sonakshi R Marak, Charkisha M Momin, Aniesha Arengh
Standby: Dajanai L Nonglait, Idatyngkai Marngar, Saramanbha Khongsti, Nokgam N Marak, Bianchimik R Sangma.
Support staff: Shankar Newar (head coach), Surooj Rabah (assistant coach), Sweetie Marboh (trainer), Jakrimbal D Arengh (physio), Phibakordor Diengdoh (manager).
