Shillong, Rymphang 27: Kum shibynta ban pynshlur ïa ki samla pule college ban mihkhmat ïa ka jylla ha ki jingïakhun bapher bapher, ka ophis treikam jong ka District Youth officer, Nehru Yuva Kendra Shillong ha ryngkat ka jingïatreilang ka tnat Sports ka sorkar pdeng, ka la pynlong da ka jingïakop kren paidbah dang shen.
Ha kane ka jingïakhun state level la jied tang 8 ngut ki samla pule kiba la dep ban ïaleh ïa ka district level Youth Parliament na ki district bapher bapherka jylla, da ka jingbishar da ki san ngut ki nongbishar.
Napdeng kine, u James Dhar u la shah jied ha ka kyrdan ba nyngkong, u Trebokmi Talang ha ka kyrdan kaba ar bad ka Sachitra Syrti ha ka kyrdan ka ba lai.
Na kiba jop ha ka state level, uba nyngkong un ïoh mihkhmat ïa ka jylla bad ki arngut kiba wan ha ka kyrdan kabaar bad kaba lai kin leit ban synran kum ki nongai mynsiem ha ka rynsan jong ka Ri ha ka prokram kaban long ha ka 5tarik bad 6 tarik Lber, 2024.
