Shillong, Naitung 12: Ka Ïingdorbar jong ka KHADC ha ka sngi Thohdieng ka la pynlait ïa ka pisa kaba la kot sha ka T.99,24,600/- tyngka na ka bynta ki saw tylli ki tnat treikam jong ka KHADC, ïa kane ka jingpan pisa shuh la wanrah da u CEM u Bah Pynïaid Sing Syiem.
U Bah Pynïaid haba wanrah ïa kane ka jingpan pisa shuh na ka bynta ki saw tylli ki tnat treikam, na ka tnat pla pisa da ka grant No.3 la pan pisa shuh da T.14,66,000/- tyngka, ka grant No.6 kaba dei ka Legislative la pan pisa shuh sa T. 14,01,000/0 tyngka.
Ïa ka kran No.7 kaba ïadei bad ka tnat pule puthi la pan pisa shuh sa T.25,00,000/- bad ka grant No.9 kaba dei na ka bynta ka tnat Enforcement Scheme Protection of Tribal land la pan shuh sa T.45,67,600/-, namar ba kam don kano kano ka jingdawa ban pynduna, ka ïingdorbar ka la pdiang ïa kane ka jingpan pisa khlem da ïakren.
Kane ka jingpynlait ka ïingdorbar jong ka KHADC ïa ka jingpan pisa kaba la kot sha ka T.99,24,600./- tyngka ka long ba kane kadei na ka bynta kane ka snem mang tyngka jong u snem 2024-2025.
