Pyllait paidbah u Rev SI Iawphniaw ïa ka kot ‘U Kynjri ka Jingtim’ ba la thoh da u Bah HT Wells Sten

0

Shillong, K Lyngkot 16 : U Rev. SI Iawphniaw Senior Pastor ka KJP Synod Sepngi ha ka 16 tarik u Kyllalyngkot u la pyllait paidbah ia ka kot ba la ai kyrteng “U Kynjri Ka Jingtim” (Break the chain of generational Curse” ba la thoh da u Bah HT Wells Sten ha ka jingialang kaba la long hapoh ka hall jong ka KJP Synod Sepngi.
Ha ka jingkren kum u Kongsan u Rev SI Iawphniaw u la pyrto ia ka sap kaba kyrpang kaba U Blei u la ai ia une u nongthoh jong kane ka kot uba la ju pynmih ruh ia kiba bun kiwei pat ki kot kiba khring shibun ia ki paidbah nongpule.
U la ong ba ka kyrteng bad ka jingmut kaba sha lyndet jong kane ka kot kan khring shibun ia ki briew ba kin kwah ban pule bad sngewthuh kham bniah ia ki jingthmu bad ki jingpynpaw jong u nongthoh.
U la bynrap ba kane baroh ka long ruh kum ka jingphla shem mynsiem jong u nongthoh, bad kane ka kot U Kynjri jong ka jingtim kaba u la thoh u kdew ruh ia u Kynjri jong ka jingpyllait im.
Ha kane ka prokram la ioh ruh ka jingkren na u Rev. NWP Warjri kum u Symbud Kongsan uba la ai ka jingiaroh ia u nongthoh uba la trei shitom ban thoh ia kane ka kot bad ka ban long shisha ka jingmyntoi na ka bynta kito kiba ioh ban pule ia ka.
Kiwei pat kiba la aijingiakren ha kane ka jingialang ba la pyniaid da u Tbn. Justborne S Cajee ki kynthup ruh na u nongthoh Bah HT Hell Sten uba la batai bniah ia ka daw kaba la pynlong ia u ba un thoh ia kane ka kot khnang ba kan long ka jingiarap ia kiwei pat kiba mad bad iakynduh ha ka jingim jong ki.

Leave A Reply

Your email address will not be published.