Jowai, Nailur 06: Ka Nongtalang Khlachympa Locality lyngba ka Fete Committee mynta ka janmiet 5 tarik mynta u bnai 2026 ka la ïoh ban pyllait paidbah ïa ki ticket Lucky Draw na ka bynta ka Fete jong ka, ka ban sa long haka 14 bad 15 tarik jong u bnai ba nongkong (January) jong u snem 2027 na ka bynta ban pynmih fund ïa ka shnong.
Ha shwa ban pyllait paidbah ïa kine ki ticket la don ka jingïalang ba lyngkot ha kaba la wan ban sakhi bad pyllait paidbah ïa kine ki Ticket da u Dr. Duniya Pohsnem incharge Nongtalang CHC kum u kongsan, haka jingïadon lang ryngkat u Dr. Overfillme Suliang, Medical Officer Nongtalang CHC lem bad u bah Begin Lamare uwei na ki nongai dawai kynbat Khasi ba paw ha ki thaiñ War Jaiñtia, kum ki symbud kongsan.La pynïaid ïaka jingïalang da u Chairman Fete Committee u bah Sevenson Padu bad la ïoh ruh ka jingkren kyntu kynpham na u Waheh-Shnong u bah Robert Lyngdohgiri.
Na ka liang jong ka Nongtalang Khlachympa Locality lem bad ka Fete Committee ki la kyrpad bad kyntu ïa baroh lang ban ïa synnñiang bad ïa thied kylluid mynsiem ïa kine ki Ticket Lucky draw, khnang ba ki jingthmu babha jong ka shnong kin ïaid beit ïaid ryntih.
Kine khusnam (prize) na ka bynta kane ka Lucky Draw ki long, 1st. prize CELERIO. 2nd. prize SCOOTY. 3rd. prize SCOOTY.Consolation prize ?10,000/- (5-Nos).
