Shillong, Naiwieng 6 : U Myntri ka tnad Pule Puthi u Rakkam A Sangma, ula pynbna ba ka Sorkar Jylla kala ai jingmynjur ïa ka scholarship jong ki samla pule Diploma ba arsnem ha ka Elementary Education (D.El.Ed) prokram.
Kane ka song pisa, bala ai da ka Tnad Education, ka dei kaba la leh ban kyrshan ïa ki Nonghikai kiba leit hikai pyntbit hapoh ka Cherra Teachers’ Training Centre (CTTC) ha Sohra bad ka District Institute of Education and Training (DIET) ha kylleng ka Jylla.
Na ka bynta ki samla pule ka CTTC, Sohra, ïa ka scholarship la buh T.50 lak na ka bynta u snem pule 2024-25. Ha kajuh ka por, ka song pisa ba kham heh ba kot T.5 klur la mang sha ki DIET, kaba pyni ïa ka jingkut jingmut jong ka Sorkar ban pynkhlaiñ ïa ka Elementary Education ha ka Jylla.
U Deputy Secretary ka Tnad Education B Marbaniang, ula pynthikna ïa kane ka jingmang pisa ka Sorkar.
