Shillong, Naiwieng 23: Ka jingbym siew ka Executive Committee jong ka KHADC ïa ka bai bam tymmen jong ki MDC ka la poi hakhmat ka ïingbishar jong ka High Court of Meghalaya.
Dang ha kine ki sngi kiba ladep, u nongïasaid na ka liang ki MDC kiba la ujor sha ïingbishar u la pynpaw ka jingbitar ïa ka jingbym shimkhia ki bor ba dei siew ïa ka baibam ne ka penshon jong ki MDC bad ïa ka jingbym don kano kano ka dak ban leh ei ei halor kane ka jingsiew.
Na ka liang ki nongïaid jong ka EC ka KHADC, ki la pynpaw hakhmat ka iingbishar ba la khlieh da u HS Thangkhiew, Acting Chief Justice jong ka High Court of Meghalaya, ki la ïathuh ba ki bor synshar ka KHADC ki dang pynkhreh ban pyntreikam ne siew noh ïa kane ka bai bam tymmen bad ban mang pisa noh na ka bynta kane.
Lah ban kdew hangne ba ka EC jong ka KHADC ka la rai ban siew bai bam tymmen 5000 tyngka sha ki MDC barim jong ka Council.
