Plie paidbah ka ANSU da ka admission helpdesk ban ïarap ïa ki samla pule Garo ha NEHU

Tura, Jylliew 6: Ka Aochik NEHU Students’ Union (ANSU) ka la plie ïa ka jaka ai jingïarap ba kyrpang na ka bynta ban ïarap ïa ki samla pule na Garo Hills kiba kwah ban rung sha ka skulbah North-Eastern Hill University (NEHU) na ka bynta ka snem 2026-27.
Kane ka jingthmu ka long ban ïarap ïa ki samla pule kiba kwah ban leit pule ban ïaid lyngba ïa ka rukom pdiang ïa ki samla pule ha ka skulbah, khamtam kito kiba na ki jaka ba jngai kiba ju ïakynduh jingeh ha kaba ïoh jingtip bad pyndep ïa ki aplikeshon online.
Katkum ka ANSU, ka helpdesk kan ai jingmut halor ki rukom rung (admission procedures), ki jingdonkam ban ioh (eligibility requirements), ka reservation policy, ka jingai ïa ki kot ki sla, bad ki kam kiba iadei bad ka hostel.
Ka union ka la ong ba ïa ka rukom kyrshan la buh ban pynthikna ba ki samla pule kiba dei hok kin ym duh ïa ki lad ban leit sha ki jingpule kiba kham shalor ha NEHU namar ka jingbym don jingtip ne ki jingeh ha ka por ba aplai.
Da ka jingpynrung kyrteng na ka bynta ka por pule kaba dang ïaid shakhmat, ka ANSU ka la pynpaw ïa ka jingkyrmen ba kane ka jingthmu kan pynshlur ïa ka jingïashim bynta kaba kham bun na ki samla pule ha kylleng ka Garo Hills bad kan pynbha ïa ka jingïoh ïa ki lad jingpule kiba kham shalor kiba don ha ka central university.
Ki samla pule kiba pan jingiarap ki lah ban ïakynduh ïa ka Admission Helpdesk lyngba ki mobile number 9863729710 bad 6009235349 lane lyngba ka email ha at achiknehustudentunion@gmail.com.