Shillong, Naiwieng 27: Ka Meghalaya Human Rights Commission (MHRC) ka la aipor 15 sngi ïa u Chief Secretary ka Jylla u bah D.P Wahlang ba un phah tohkit bad aiti ïa ka kaiphod ba bniah halor ka jingbym siew ïa ka tulop ki hynriew ngut ki nongtrei Contract jong ka Tnad Transport.
Ka kyrwoh ba la pyllait da u Secretary ka MHRC ka ïathuh ba ka Commission ka la shim suo moto case halor ka jingbym siew ïa ka tulop ki hynriew ngut ki nongtrei contract ka Tnad Transport ha South Garo Hills District.
Kat kum ki lad pathai khubor, haduh hynriew ngut ki nongtrei contract ka Tnad Transport ha South Garo Hills ki khlem ïoh ïa ka tulop la palat 2 snem ha kaba uwei u nongtrei lei ula iap bad uba dei hok ban ïoh ïa ka tulop ba 20 bnai.
La ong ba ka Commission ka la phah notice sha u Chief Secretary ka jylla, ban tohkit ïa kane ka kam baroh bad ban aiti ïa ka kaiphod kaba bniah sha ka Commission hapoh ka 15 sngi.
