Per ki ñiut ha ka Wahumkhrah, khlem patiaw ki riew shim kabu ïa ka jingmana ka KHADC

Shillong, Lber 24 : Ka Wahumkhrah mynta ka la sakhi biang ïa ka jingjaboh na ka daw ka jingleh dusmon hi ki riew shim kabu ban bret pathar ïa ki niut ki nier khlem da pyrkhat shuh ïa ka khuid ka suba jong ka wah tang ban lait ka jingjaboh ha phyllaw ïing lajong.
Ka jingbret pathar ïa ki plastik, ki jok um, ki bitor, ki jaiñjot bad kiwei kiwei ki jaboh jabaiñ la ka long harud jong katei ka wah bad hapdeng wah ka la pynsahkut wat ïa ka um kaba ïaid namar ka jing rben palat ki niut.
Watla ka Khasi Hills Autonomous District Council (KHADC) ka la buh ka jingmana ha shi lynter jong ka Wahumkhrah ban ym shah bret ne theh ñiut pathar ha kane ka wah bad buh ruh ki kyndon ba lada lap ïa kiba ïalehh pyrshah yn pynshitom kat kum ka aiñ. Hynrei ïa kane ym shym la don kiba patiaw bad khamtam lei lei mynta haba la poi ka aïom Lyuir ki jaboh jabaiñ kin sa nang tuid sha kane ka wah.