Shillong, Lber 24: Ka Deputy Commissioner jong ka East Khasi Hills ha ka sngi Thohdieng ka la pynmih ïa ka hukum ba ki bos ba ju kamai ha sor Shillong ba ïaid lyngba ka Khyndailad bad Motphran kiba la khang ban ïaid kamai naduh ka 21 tarik Nohprah 2022 la shah biang naduh mynta ka sngi ban kamai biang.
Lah ban kdew hangne ba u MLA ka Mawlai u Bah Brightsterwell Marbaniang ha ka 22 tarik haba shim bynta ha ka kynta kylli jingkylli u la rah ïa kane ka mat khang ïaid bus ka sorkar na Motphran namar u ong ba ka don jingktah kaba khraw ïa ki paidbah ba duk khamtam eh jong ka Mawlai Constituency kiba ju pyndonkam da ka bus ha ka leit ka wan jong ki namar ka jingkham duna ka dor bai kali.
