Shillong, Kyllalyngkot 07 : U Siddhart Banerjee uwei na ki heh ba trei hapoh ka Star Cement kaba don ha Lumshnong ha East Jaintia Hills District u la ujor sha ki pulit ba ki briew kiba ym lah ban tip ki la tuh ïa ki tiar na kudam bad ka dor jong ki ka la kot sha T. 1,88,17,808/- tyngka.
Katkum ka jingujor kaba la ai da u Banerjee la ong ba kane ka jingshah tuh ki tiar na jaka buh ka la jia ha ka 12/12/2023 haka por 8.30 baje mynstep, katba ïa ka jingujor sha ki pulit la leit ban ujor ha ka 30/12/2023 ba ki riew sniew kiba ym lah ban ithuh rong tuh ïa ki tiar.
Ki tiar kiba la shah rong tuh ki long lai hajar tylli ki Bolts bad ki nuts, laiphew hynriew tylli ki plate nar, 120 tylli ki jingsam thliew, 222 tylli ki dulinar kiba dang pyndait bad ka dor jong ki baroh kala kot sha ka T. 1,88,17,808/- ïa kine baroh la tuh na ka kudam ba buh tiar ka kompani.
