Ngin dang hap ïa syllok halor ka jingdawa nongbah lyiur ha Jowai, ong u MLA ka Jowai

Shillong Jymmang 14: U MLA ka National People’s Party (NPP) na Jowai u Bah Wailadmiki Shylla ha ka sngi Balang u la ong ba un ïasyllok bad ki nongshong shnong ha kaba ïadei bad ka jingdawa ban pynlong ïa ka Jowai, ka district headquarter jong ka West Jaiñtia Hills, kum ka nongbah ban pynlong ïa ka nongbah Lyiur ne ka summer capital jong ka jylla.
Ha kaba ïadei bad kane haba kynthoh ïa ka jingkrem bad jingdawa ba la pynpaw da ka Jaiñtia Students Union (JSU), u Bah Shylla u la ong, “Ngan ym lah ban ong kren bun hynrei ka shong ha ka jingshaniah jong ka sorkar bad la da ka long kaba lah ban pynlong ïa ka nongbah lyuir ha ha Jowai kan long ka jingkmen jong nga.”
U la ong ruh ba kane ka jingdawa ka dang long kaba sdang dang donkam ïa ka jingai jingmut jong kiba bun.
“Kumba ka long mynta ki la don katto katne ki sengbhalang kiba la pynpaw ïa kane ka jingdawa hynrei namarba ka dei ka kam kaba dang shu sdang ngan hap ban ïasyllok,” ong u Bah Kyrmen.