Shillong, Lber 24: Ka ophis jong ka Director of Health Services (MI) ka jylla Meghalaya ka la pynmih ïa ka jingpynbna paidbah ha ka 22/3/2024 na ka bynta ka jingtip ki paidbah ba namar ba la pynbna ïa ka ilekshon MP sha Lok Sabha da ka Election Commission jong ka Ri India bad ka Model Code Conduct ka la treikam.
Halor kane na ka liang jong ka ophis jong Director ka tnat ka Koit ka Khiah ka jylla ka la pynsangeh noh shwa ïa ka interview kaba la buh ban long naduh ka 01 haduh 03 tarik bnai Ïaïong 2024 ha Shillong bad 01 haduh 02 tarik Ïaïong 2024 ha Tura la hap ban pynsangeh noh haduh ban da pyntip da kumwei pat.
La kyntu ïa kito baroh kiba la apply na ka bynta katei ka kam ba ki peit na ka por sha ka por ïa ka website jong ka tnat ka koit ka khiah www.meghealth.gov.in na ka bynta ban ïoh ïa ka jingtip kaba na ka por sha ka por, kane ka long katkum ka jingpynbna na ka tnat ka Koit ka Khiah.
