Naba don ka lynti Rel kiew bha ha ka ïoh ka kot ha Mizoram, ong u Myntri Rangbah ka ri

Shillong, Nailur 13: U Myntri rangbah duh jong ka Ri India ula plie paidbah ïa ka lynti rel kaba 51.38 Km sha ka jylla Mizoram bad ka long ka jingsdang kaba thymmai ban kyntiew ïa ka jylla.
Tang hapoh kane ka shisnem kane ka lynti rel kala wan rah shibun ki jingkylla, kala pynsuk ha ka leit ka wan, ka la plie ïa ka ïew ka hat, ka la kyntiew ïa ki kam jngohkai pyrthei bad bun kiwei ki lat ki lynti kiba la ïoh da ka jingdon ka lynti rel.
Da ki bun pateng ka jylla Mizoram kala kynduh shibun ki jingeh ha ka leit ka wan namar ki hap ban shaniah tang ha ki surok kane kala buh ïa ki briew kane ka jylla ha ka jingeh hynrei da ka jingleh ban pyndep ïa ka jingkieng Bairabi-Sairang ban ïaid ka rel kane kala wanrah ïa ka jingkylla.
Kane ka lynti rel kaba 51.38 km kaba hap ïaid ïa ki lum ki them ka jylla ka don haduh 153 tylli ki jingkieng, 55 tylli ki jingkieng kiba he, 88 tylli kiba rit bad 10 tylli ki ki jingkieng hap ïaid na jong ki surok.
Ki don 70 tylli ki jingkieng kiba palat ïa ka 70 metter ka jingkynjang bad kawei ka don 114 metres kaba mut ka kham jrong da 42 metres ia Qutub Minar ba don ha Delhi bad ka don 45 tylli ki surok krem kaba 16 km.
Ka tnad railway ka ong ba ha kane ka shisnem la ïoh ïa ki jingkylla ha kiba bun ki liang bad kaba kongsan ka long ba ka jylla Mizoram ka la pynïasoh bad ki iew kiba don ha kylleng ka Ri India bad kane ka long ka lat ia ki nongshong shnong ka jylla Mizoram.