Shillong, Nailar 03 : Ka rynsan ïakura boxing ba pynlong da ka Green Heart Boxing Club of Mawlai (GHBCOM) ba la tip kum ka Meghalaya Open Men’s Invitational Boxing Fight Night an sdang mynta ka sngi Palei (4-08-2022) ha Mawlai Mawroh Indoor Sports Hall, Basketball Court. Ïa katei ka rynsan ïakura ba pynlong ha ryngkat ka jingïatreilang bad ka Meghalaya Boxing Association (MBA) kan kut ha ka 6 tarik Nailar 2022.
Ha katei ka rynsan nalor ki nongïakura ka jylla, ka Club ka la khot lang ruh ïa ki nongïakura na kiwei ki jylla jong ka thaim Shatei Lam Mihngi ka ri India kum ka Assam, Arunachal Pradesh, Sikkim bad Nagaland.
Ki kyrdan ïalehkai ki kynthup naduh ka jingkhia ba 46-48, 48-51kg, 54-51kg, 57-60kg bad 60-63kg. Ïa ki khusnam nongjop yn ai da ka song pisa, ka syrnot bad ki takma.
Kiba jop ïa ka takma ksiar kin ïoh khur ïa ka song pisa ba 5,000, takma rupa 3,000 bad ïa ka takma rnong 2,000 ha ryngkat ki takma.
Ka quarter bout kan sdang ha ha ka por 3 baje janmiet, ha ka 5 tarik ka semifinal bout kan sdang ha ka por 5:30 baje janmiet bad ka final bout kaban long ha ka 6 tarik kan sdang ha ka por 5:30 baje janmiet.
