Jowai, Naitung, 05: Ka Lehñiam Shad Behdeiñ-khlam jong ka Seiñ Raij Jowai kaba ju long manla u snem ka ‘Saw sngi Lai miet’ kan sdang naduh ka sngi ‘Pynsiñ’ 6 tarik bad pynkut ha ka sngi ‘Muchai’ 9 tarik u Naitung 2023.
Ki khun ka Seiñ Raij Jowai kila pynkhreh pynkhrum ïa kane ka shad Behdieñkhlam, ha kaba la sakhi mynta ka sngi ïa ki bynta jong ka ïaw Musiang khamtam kito jaka pynïeng kali ban buh ïa ki Dieng Khlam la pynkhuid bha ïa ki da kaba kynshait um. Ha ka sngi ‘Pynsin’ 6 tarik kan don ka lehñiam naduh ka por mynstep da ka bam Tyngkong ha ‘Iung Langdoh’ nangta ki khun ka Seiñ Raij Jowai ki la pynkhreh ïa ka Siang ka Pha ban pyndep da ka kmie jong ka ïing kum ka jingburom ïa kiba la khladnoh.
Ha ka por janmiet ki khun ka Chilliang Raij (Khon Raij) ki la leit rah na khlaw ïa ka “Symbood Khnong” ha ryngkat ka shad ka kmen.
