Nongpoh, Kyllalyngkot 15: Uwei u samla u la mynsaw bad dribar ka Auto Rickshaw ula lait thaw na ka jingmynsaw kaba dei hadien ba ka Auto Rickshaw ka la shah tynrah ha kawei ka Kali Volkswagen kaba la jia mynta ka sngi Blei ha ka por 12 baje ei ei mynsngi ha ka surokbah National Highway-6 ha jan Bethany Hospital Nongpoh.
Katkum ka jingtip ba la ioh lum, kane ka Auto Rickshaw kaba la shah tynrah ka don ïa u Number ML 10 A 8361ba la niah da u Starling Dohling na ka Shnong Mawdiangum bad katei ka Kali Volkswagen pat ka don ïa u Number AS 01 FF – 5590 kaba la ñiah da u Kautav K Kalita kaba dang wan na Guwhati ban leit sha Shillong. Ha kane ka jingjia, u Subas Maring na ka Shnong Mawdiagum u la mynsaw bad u Starling Dohling u la lait salit na ka jingmynsaw.
Ka tyllong khubor ka ïathuh ruh ba ki Pulit ka Nongpoh ki la hiar mardor sha kane ka jingïatyngkhuh Kali ban pynlong ïa ka jingtohkit bad ïa utei uba la mynsaw la rah noh sha Bethany Hospital ban ioh ïa ka jingsumar bad hadien ba la ioh ïa ka jingsumar la pynlait biang noh ïa une uba la mynsaw ha kaba ki pulit pat ki dang pynlong ïa ka jingtohkit kaba bniah halor kane ka jingjia, ong ka tyllong khubor na ki Pulit.
Ha kane ka jingjia, ka Auto Richshaw ka la julor kham bun bad katei ka Kali Volksawgen ruh ka julor.
