Shillong, Lber, 30: Ha kawei na ki jingjia basngewsih u wei u heprit uba la 12 snem ka rta na ka shnong Langja West Khasi Hills District u la ngat ha ka jingmynsaw kaba jur hadien ba u la kum leit tyngkhuh ïa ki sainar ding ilektrik hapoh ka khlaw kaba don ha kane ka shnong.
Une u heprit u dei uba la tip kyrteng kum u Isboklang Wanniang bad na kane ka jingjia une u heprit u la mynsaw jur na ki bynta jong ka kti, ka kjat bad ka khlieh bad ïa mynta u don hapdeng ka jingshah sumar ha la ïing.
Katkum ka jingtip ba la ïohlum la ïathuh ba kane ka la jia ha ka 23 u Lber 2024 ha kapor ba une u heprit u dang leit siatsim sha khlaw bad kumno re kumno khlem poi pyrkhat katba u dang kiew ha uwei u maw u la kum leit tyngkhuh ïa ki sainar iletrik kiba la noh bha sha tbian.
Ka Hynniewtrep Youths Council, West Khasi Hills Distirct Unit bad ka HYC Ri Muliang Circle ha ka 30 tarik u Lber, 2024 ki la leit jngoh ïa une u heprit bad ai mynsiem ruh ïa ki bahaïing hasem ryngkat ki jingduwai bad ka jingnoh jingïarap sha ki bahaïing jong une u heprit.
