Shillong, Jymmang 25 : Ka Rangdajied United ka la don satang shijam ban rung sha ka semifinal jong ka lympung ïalehkai Meghalaya State League 2023 hadien ba ka pynliem da 3-0 kol pyrshah ïa ka Rymbai Iawpynsing ha ka jingïakhun kaba dei na ka Group B ha madan Kiang Nangbah Stadium, Jowai ha ka sngi Palei.
U Oresterwell Langshiang u la ïoh ban thep ïa ka kol kaba stet tam ha ka histroy jong ka lympung ïalehkai MSL, lyngba ki ar kol ha ka kylla miet ha kaba ka kynhun ka la ïoh biang ban bat kyrdan ba nyngkong na ka Group B ïa ka Rangdajied, da kaba ïaryngkat bad ka Ladthadlaboh da kaba khur 10 point, hynrei ka RUFC ka bat kyrdan ba nyngkong lyngba ka jingïapher thep kol (+11 to +9).
Ha ka jingïalehkai kaba ar ki kol la ïoh ban thep da u Aibiangmame Nongneng ha ka minit ïalehkai ba 70 bad u Wansiewdor Nengnong ha ka minit ïalehkai ba 81.
Ka la sdang ka jingïalehkai kaba biang tamm na ka bynta ka Rangdajied ha kaba ki la ïoh ban thep tang hapoh ki 15 second. Ka jingsdang jong ka Rangdajied, ha kaba u rangïalehkai shakhmat u Tremiki Lamurong uba la ïoh ban rah ïa ka bol sha ka liang ba kamon.
Ka bol ba u la kynjat kala poi sha u Nengnong, uba la pashat ha u Langshiang, ha kaba utei u rangïalehkai u la ïoh ban thep ïa ka shi kol.
Ka Rymbai ka khlem ïoh ban bat bol bha shuwa ba kan shah thep kol hynrei ka la lah ban teh lakam ha h akaba ka Rangdajied ka khlem ïoh thep kol shuh ha ki 45 minit, hynrei ka la ïoh ban wanphai pat ha ka kylla miet.
Ka jingïalehkai ka la sdang biang ha ka kylla miet, ha kaba Rangdajied, ka la ïoh ban thep ïa ka kol kaba ar lyngba u Nongneng, uba la mih madan kum u rangïalehkai shongben, uba la thep da kaba pyndei da ka khlieh lyngba ka bol ba la shut da u kapten jong ka kynhun u Knerktilang Buam.
Ban pynthikna ban ïoh bat kyrdan ba nyngkong na ka Group kadei tang hadien 10 minit, lyngba u Bansuklang Bina uba la shut ïa ka bol pynban u rangap kol jong ka Rymbai u Christopher Lyngdoh u la ïoh ban kyrdan, pynban ka bol ka la poi ha ki kjat u Nengnong u ba la thep suk khlem da pynlehnoh ei.
Ka jingïalehkai na ka Group A, ha Shillong, ka Jyntru pyrshah ïa ka Umkseh ha ka por 3 baje, na ka Group B ha Jowai – Youth Club Pdengkarong pyrsdhah ïa ka Ladthadlaboh ha ka por 2:30 baje, na ka Group C, Mawkyrwat – ka Mawten pyrshah ïa ka Seven United, ha ka por 3 baje bad na ka Group D, Tura – ka Warima Youth Club pyrshah ïa ka Atong Matgrik ha ka por 3 baje janmiet.
